वार्तादूत – डिजिटल न्युज नेटवर्क
बालदिनानिमित्त तालुकास्तरीय विविध स्पर्धा आयोजित करण्यात आल्या होत्या. या तालुकास्तरीय स्पर्धांचा निकाल जाहीर झाला असून यात लोहारा तालुक्यातील भोसगा जिल्हा परिषद प्राथमिक शाळेने यश मिळविले आहे. बालनाट्य स्पर्धेत भोसगा येथील शाळेचा प्रथमेश गंगाराम रोहिणे याने प्रथम, पत्रलेखन स्पर्धेत मानसी काशिनाथ बुवा हिने द्वितीय तर काव्यलेखन स्पर्धेत वैष्णवी आनंद गायकवाड हिने तृतीय क्रमांक मिळविला आहे.
या सर्व विद्यार्थ्यांना शाळेतील पदवीधर शिक्षक एस. के. चिनगुंडे यांचे मार्गदर्शन मिळाले. विस्तार अधिकारी आर. सी. मैंदर्गी, केंद्रप्रमुख आर. एस. चव्हाण, मुख्याध्यापक एम. एम. डोखले, एस. एस. भोसले, डी. बी. कांबळे, एस. आर. डावरे, व्ही. बी. धालगडे, शाळा व्यवस्थापन समिती अध्यक्षा रूपालीताई बुवा, उपाध्यक्ष रतन कागे व भोसगा ग्रामस्थांनी विद्यार्थ्यांचे अभिनंदन केले आहे.
