वार्तादूत – डिजिटल न्युज नेटवर्क
खासदार ओमप्रकाश राजेनिंबाळकर यांनी रविवारी (दि.१८) निलंगा तालुक्यातील हासोरी (बु) व हासोरी (खु) या गावास भेट दिली आहे. या ठिकाणी अनेक दिवसांपासून धक्के जाणवत असल्याने नागरिक भयभीत असून या गावांना भेट देऊन त्यांनी नागरिकांना दिलासा दिला.
या आवाजामुळे नागरिक भयभीत असून जे नागरिक सक्षम नाहीत अशा नागरिकांना तात्पुरती राहण्याची व्यवस्था करावी, जी घरे प्रशासनाकडून पाडली जात आहेत त्यांना आर्थिक मदत करावी व अशा स्वरूपाचे जे आवाज येत आहेत त्यामागे नेमके कारण काय आहे हे तपासावे व नागरिकांची भीती दूर करावी अशा सूचना जिल्हाधिकारी, तहसीलदार व आपत्ती व्यवस्थापन विभागाला दिल्या. यावेळी संतोष सोमवंशी, बजरंग दादा जाधव, किशोर जाधव, किशोर भोसले व तहसीलदार व आपत्ती व्यवस्थापनचे अधिकारी उपस्थित होते. याबाबत खा. ओमराजे निंबाळकर यांनी जिल्हाधिकारी यांना पत्र लिहिले आहे.
