लोहारा शहरातील नाना नानी पार्कला हिंदुहृदयसम्राट कै. बाळासाहेब ठाकरे यांचे नाव द्या अशी मागणी माजी नगरसेवक शाम नारायणकर यांनी निवेदनाद्वारे केली आहे.
नगरपंचायतीच्या मुख्याधिकाऱ्यांना मंगळवारी (दि.२०) दिलेल्या निवेदनात म्हटले आहे की, लोहारा शहरात जवळपास दहा कोटी रुपये खर्च करून शासनाच्या विशेष निधीतून गावतळ्यावरील शासकीय जागेत पार्क बांधण्यात येत आहे. या पार्कला आपण प्राथमिक स्वरूपात नाना नानी पार्क म्हणून संबोधित आहात. शहरात व या भागात हिंदुहृदयसम्राट कै. बाळासाहेब ठाकरे यांना श्रद्धास्थान मानणारा वर्ग मोठ्या प्रमाणात आहे.
त्यामुळे या भागातील जनमाणसांची लोकभावना लक्षात घेऊन लोहारा शहरात होणाऱ्या पार्कला हिंदुहृदयसम्राट कै. बाळासाहेब ठाकरे यांचे नाव द्यावे अशी मागणी माजी नगरसेवक शाम नारायणकर यांनी लोहारा नगरपंचायतीला दिलेल्या या निवेदनात केली आहे. या निवेदनावर अनेकांच्या सह्या आहेत.
