वार्तादूत – डिजिटल न्युज नेटवर्क
लोहारा तालुक्यातील होळी येथे दि. ८ जानेवारी ला एकदिवसीय अण्णाभाऊ साठे साहित्य संमेलनाचे आयोजन करण्यात आले आहे. याच कार्यक्रमात ज्येष्ठ साहित्यिक श्रीपाल सबनीस यांच्या हस्ते लोहारा शहरातील पत्रकार निळकंठ कांबळे यांना आदर्श पत्रकार पुरस्काराने सन्मानित करण्यात येणार आहे.
या संमेलनाचे उद्घाटन शिवसेना उद्धव बाळासाहेब ठाकरे पक्षाच्या उपनेत्या सुषमा अंधारे यांच्या हस्ते होणार आहे. या संमेलनासाठी महाराष्ट्रातील अनेक दिग्गज मान्यवर उपस्थित राहणार असून या साहित्य संमेलनात विविध क्षेत्रातील महत्वपूर्ण व्यक्तिमत्वांना पुरस्काराने गौरविण्यात येणार आहे. पत्रकार निळकंठ कांबळे यांना हा पुरस्कार जाहीर झाल्याबद्दल त्यांचे सर्वत्र अभिनंदन केले जात आहे.
