वार्तादूत – डिजिटल न्युज नेटवर्क
लोहारा तालुक्यातील वडगाव (गां) येथील विविध विकासकामांचे आमदार ज्ञानराज चौगुले यांच्या हस्ते शनिवारी (दि.५) लोकार्पण करण्यात आले.
या कार्यक्रमाच्या अध्यक्षस्थानी लक्ष्मण भुजबळ हे होते. यावेळी शिवसेना जिल्हाप्रमुख तथा जेवळीचे सरपंच मोहन पनुरे, शिवसेना तालुकाप्रमुख जगन पाटील, माजी गटनेते अभिमान खराडे, सरपंच बबन फुलसुंदर यांची प्रमुख उपस्थिती होती. आमदार ज्ञानराज चौगुले यांच्या स्थानिक विकास निधीतून व प्रयत्नातून वडगाव (गां) येथे नळकांडी पुलाचे बांधकाम करणे – १० लक्ष, २५/१५ योजनेतून सिमेंट रस्ता करणे – २० लक्ष रु., जनसुविधा योजनेतून मुस्लिम कब्रस्थान बांधकाम करणे – १० लक्ष रु. आदी कामे पूर्ण झाली असून या कामांचे लोकार्पण करण्यात आले. यावेळी आमदार ज्ञानराज चौगुले यांनी लोहारा तालुक्यातील ३०६९७ शेतकऱ्यांना सततच्या पावसामुळे झालेल्या नुकसानीचे अनुदान सुमारे १७ कोटी रु. व २०२० च्या पीकविमापोटी लोहारा तालुक्यातील शेतकऱ्यांना रक्कम मिळवून दिल्याबद्दल वडगाव येथील शेतकऱ्यांनी त्यांचा सत्कार केला.
या कार्यक्रमास माजी पं.स.सदस्य शंकर पाटील, माजी चेअरमन बिभीषण पवार, दिलीप माळी, अहमद शेख, आनंद ब्याळे, आमिरअली शेख, डॉ. आनंदराव फुलसुंदर, कुर्बान शेख, राजेंद्र माळी आदीसह ग्रामस्थ, शेतकरी उपस्थत होते.
