उत्कृष्ट वसुली केलेल्या लोहारा तालुक्यातील ३ ग्रामपंचायतीचा सीईओनी केला सत्कार

वार्तादूत – डिजिटल न्युज नेटवर्क
विशेष कर मोहीममध्ये लोहारा तालुक्यातील धानुरी, करजगाव, उंडरगाव ग्रामपंचायतीने एक लाखाच्या पुढे वसुली केल्याने जिल्हा परिषदेचे मुख्य कार्यकारी अधिकारी राहुल गुप्ता यांच्या हस्ते गटविकास अधिकारी, विस्तार अधिकारी, सरपंच व ग्रामसेवक सत्कार करण्यात आला.
तालुक्यातील धानुरी, करजगाव, उंडरगाव ग्रामपंचायतीने एक लाखाच्या पुढे वसुली केल्याने त्यांचा मान्यवरांच्या हस्ते सन्मानपत्र देऊन सत्कार करण्यात आला. यावेळी लोहारा पंचायत समितीच्या गटविकास अधिकारी शितल खिंडे यांच्यासह विस्तार अधिकारी, ग्रामसेवक व सरपंच उपस्थित होते. या मोहिमेसोबतच जागतिक महिला दिनाच्या निमित्त ८ मार्च रोजी संपूर्ण जिल्ह्यामध्ये विशेष करून ज्या ग्रामपंचायतमध्ये महिला सरपंच आहेत. त्यांना वसुलीबाबत मुख्य कार्यकारी अधिकारी राहुल गुप्ता यांनी सूचना देऊन जास्तीत जास्त वसुली करण्यात बाबत अवगत केलेले आहे. त्याप्रमाणे लोहारा तालुक्यातील सर्व महिला सरपंच यांनी जास्तीत जास्त वसुली करण्यासाठी सरपंच, ग्रामविकास अधिकारी, ग्रामसेवक यांना याद्वारे या मोहिमेत सहभाग घेऊन जास्तीत जास्त वसुली करण्यात यावी असे आवाहन त्यांनी यावेळी केले.