वार्तादूत – डिजिटल न्युज नेटवर्क
जिल्हा मानसिक आरोग्य कार्यक्रम व प्रकल्प प्रेरणा, जिल्हा रुग्णालय उस्मानाबाद अंतर्गत लोहारा तालुक्यातील कानेगाव येथील प्राथमिक आरोग्य केंद्रात शनिवारी (दि. १४) मोफत ताणतणाव निवारण व सर्वरोग निदान आरोग्य शिबीर आयोजित करण्यात आले होते. यात एकूण १३२ रुग्णांची तपासणी करण्यात आली.
या सर्वरोग निदान शिबिराचे उद्घाटन कानेगावचे सरपंच नामदेव लोभे यांनी केले. यावेळी उस्मानाबाद जिल्हा रुग्णालयातील मनोविकार तज्ञ डॉ. राजेश नरवाडे, कानेगाव प्रा. आ. केंद्राच्या वैद्यकीय अधिकारी डॉ. प्रियंका बंदीछोडे यांची प्रमुख उपस्थिती होती. या सर्वरोग निदान शिबिरात एकूण १३२ रुग्णांची तपासणी करून औषधोपचार करण्यात आला. कार्यक्रमाचे सूत्रसंचालन वर्षा घोडके यांनी केले. यावेळी मानस शास्त्रज्ञ सुहास शिंदे, सामाजिक कार्यकर्ता बलराम पोतदार, परमेश्वर मुळे, ऑडियो लोजिस्ट बाळासाहेब कोळेकर, ज्योतिराम ओहळ, समुपदेशक प्रदीप तटाले, अनिता तावरे, स्वप्नाली शहापुरे आदींसह कर्मचारी उपस्थित होते.
