ग्रामपंचायत निवडणूक : पहिल्या दिवशी ७ नामनिर्देशन पत्र दाखल

वार्तादूत – डिजिटल न्युज नेटवर्क
लोहारा तालुक्यातील १३ ग्रामपंचायतीच्या निवडणुका होत आहेत. नामनिर्देशन पत्र दाखल करण्याच्या पहिल्या दिवशी सोमवारी (दि. २८) ७ नामनिर्देशन पत्र दाखल झाले.
तालुक्यातील १३ ग्रामपंचायतीच्या निवडणुकीची रणधुमाळी सुरू झाली आहे. या निवडणुकीसाठी दि. २८ नोव्हेंबर ते २ डिसेंबर या कालावधीत नामनिर्देशन पत्र भरण्याची मुदत आहे. नामनिर्देशन पत्र दाखल करण्याच्या पहिल्या दिवशी सोमवारी (दि. २८) एकूण ७ जणांचे नामनिर्देशन पत्र दाखल झाले आहेत. हे सातही अर्ज जेवळी (उत्तर) ग्रामपंचायतीसाठी दाखल झाले आहेत. यात महानंदा मोहन पनुरे व अनिता मल्लिनाथ डिग्गे यांनी सरपंच पदासाठी तर ५ जणांनी सदस्य पदासाठी नामनिर्देशन पत्र दाखल केले आहे.
या निवडणुकीसाठी २ डिसेंबर पर्यंत नामनिर्देशन पत्र दाखल करता येणार आहेत. या १३ ग्रामपंचायतसाठी दि. १८ डिसेंबरला मतदान तर २० डिसेंबरला मतमोजणी होणार आहे.