देवेंद्रजी आयलाने मित्रमंडळाचे अध्यक्ष रमेश खोत यांचा वाढदिवस सिमेंट बाकडे ठेऊन केला साजरा

लातूर – वार्तादूत डिजिटल न्युज नेटवर्क
हरंगुळ बु येथील मा. श्री. देवेंद्रजी आयलाने मित्रमंडळाचे अध्यक्ष श्री. रमेश खोत यांचा वाढदिवस हरंगुळ (बु) येथील महादेव मंदिर व गजानन महाराज मंदिर परिसरात सिमेंट बाकडे ठेऊन साजरा करण्यात आला.
या मित्रमंडळाकडून नेहमीच वेगवेगळे सामाजिक उपक्रम राबविण्यात येतात. याआधी मित्रमंडळाने शासकीय महीला तंत्रनिकेतन काॅलेज पासून ते मांजरेश्वर हनुमान मंदीर पर्यंतच्या जवळपास दहा किमी परीसरात सिमेंट बाकडे ठेवले आहेत. स्मशानभुमी, प्रत्येक मंदिर व चौकाचौकात सिमेंट बाकडे ठेऊन ग्रामस्थांची बसण्याची सोय केली आहे. तसेच गेल्या सात आठ वर्षात मित्रमंडळाच्या माध्यमातून 34 मुलींच्या लग्न कार्यात संसार उपयोगी साहित्य देऊन गरजूंना कुंटुंबाना आधार देण्याचे कार्य केले आहे. आज मा. श्री. देवेंद्रजी आयलाने मित्रमंडळाचे अध्यक्ष यांचा वाढदिवसही सिमेंट बाकडे ठेऊन साजरा करण्यात आला.

यावेळी मित्रमंडळाचे अध्यक्ष, उपाध्यक्ष, सर्व पदाधिकारी व सदस्य मित्र उपस्थित होते. यावेळी श्री. हरीनंदजी सगर व देवेंद्रजी आयलाने यांनी मनोगत व्यक्त केले. वेगवेगळे सामाजिक उपक्रम राबवत आसल्याबाबत हरंगुळ (बु) परीसरातील नागरिक मित्रमंडळाचे कौतुक करीत आहेत. तसेच आजपर्यंत विविध प्रकारचे अनेक पुरस्कार मिळालेले आहेत.