वार्तादूत – डिजिटल न्युज नेटवर्क
लोहारा शहरातील प्रभाग क्रमांक ३ व ४ मधील पाणीपुरवठा पुढील तीन दिवसांत सुरळीत करावा अन्यथा सोमवारी (दि.२९) नागरिकांच्या वतीने नगरपंचायत कार्यालयावर घागर मोर्चा काढण्यात येईल असा ईशारा नगरसेवक प्रशांत काळे यांनी दिला आहे.
नगरसेवक प्रशांत काळे यांनी शुक्रवारी (दि.२६) नगरपंचायत कार्यालयास निवेदन दिले आहे. त्यात म्हणले आहे की, गेल्या दोन महिन्यांपासून तीन व चार प्रभागात पाणीपुरवठा बंद आहे. मुख्य जलवाहिनी फुटल्याचे कारण नगरपंचायत प्रशासनाकडून सतत सांगितले जात आहे. सध्या सणासुदीचे दिवस आहेत. पाणी नसल्यामुळे मोठी गैरसोय होत आहे. पाणीपुरवठा बंद असल्यामुळे आमची मानसिकता हतबल होत आहे. त्यामुळे तात्काळ पाण्याची सोय करण्याकरिता आपल्या स्तरावरून योग्य ते नियोजन करण्यात यावे. अन्यथा पाणीपुरवठा सुरळीत व्हावा या आमच्या न्याय हक्काच्या मागणीसाठी सर्व नागरिकांच्या वतीने सोमवारी (दि.२९) सकाळी ११ वाजता नगरपंचायत कार्यालयावर घागर मोर्चा काढण्यात येईल असा ईशारा नगरसेवक प्रशांत काळे यांनी नगरपंचायतच्या मुख्याधिकारी यांना दिलेल्या या निवेदनात दिला आहे.
