वार्तादूत – डिजिटल न्युज नेटवर्क
लोहारा तालुक्यातील भोसगा येथील जिल्हा परिषद प्राथमिक शाळेने तालुकास्तरीय विज्ञान नाट्य स्पर्धेत यश मिळविले आहे. शाळेने दि. २९ ऑगस्टला झालेल्या तालुकास्तरीय विज्ञान नाट्य स्पर्धेत तालुक्यात द्वितीय क्रमांक मिळवला. यावेळी मुलांनी अंधश्रद्धा निर्मूलन या विषयावर आठ जणांच्या गटामध्ये उत्कृष्ट अभिनय सादरीकरण केले. शाळेतील विज्ञान पदवीधर शिक्षक एस. के. चिनगुंडे यांनी विद्यार्थ्यांना मार्गदर्शन केले. गटशिक्षणाधिकारी भास्कर बेशेकराव, विस्तार अधिकारी आर. सी. मैंदर्गी, केंद्र प्रमुख आर. एस. चव्हाण, भोसगा गावच्या सरपंच शशिकलाताई गोसावी, शा.व्य.समिती अध्यक्ष काशिनाथ मानाळे, उपाध्यक्ष दत्ता बिराजदार, पोलीस पाटील ज्योतीताई हत्तरगे, मुख्याध्यापक एम. एम. डोखले, शिक्षक आर.व्ही. पाटील व सर्व शिक्षकांनी अभिनंदन केले.
