वार्तादूत – डिजिटल न्युज नेटवर्क
लोहारा तालुक्यातील माकणी येथील माकणाई नवतरुण महाराष्ट्र गणेश मंडळाने गुरुवारी (दि.८) ५ किमी अंतराची मॅरेथॉन स्पर्धा आयोजित केली होती. या स्पर्धेत ७५ स्पर्धकांनी सहभाग घेतला होता.
तालुक्यातील माकणी येथील माकणाई नवतरुण महाराष्ट्र गणेश मंडळाने या स्पर्धेचे आयोजन केले होते. या स्पर्धेत उमरगा येथील अखिल अविनाश जाधव प्रथम, होळी येथील बाळू गोविंद राठोड द्वितीय तर होळी येथील आकाश हरीश्चंद्र गाडेकर हा तृतीय आला.
माकणी येथील महेश दिलीप साठे चतुर्थ व रोहन शिवाजी साळुंके याने उत्तेजनार्थ बक्षिस मिळविले. तसेच लहान गटातील मुलीसाठी 200 मीटर धावण्याच्या स्पर्धा घेण्यात आली. यात महेक आफसर पठाण प्रथम, रुपाली रवी धारुळे द्वितीय तर प्रतिक्षा मारुती सुर्यवंशी हिने तृतीय क्रमांक मिळविला. सहभागी खेळाडूंना सन्मानपत्र देवुन गोरविण्यात आले. यावेळी बाजार समितीचे माजी सभापती अच्युत बापु साठे, सरपंच विठ्ठल साठे, गणेश साठे, बळीराम आलमले, सचिन ढोणे, विकास भोरे, सचिन दिक्षीत, अॕड. दादासाहेब जानकर, गोविंद साठे, राहुल अशोक साठे, भरत जोगी, कृष्णात ढोणे, राहुल हणमंत साठे, वेदांत साठे, पिंटु कोरडे, संतोष साठे, अजित कोरडे, विकी राजपुत, लखन गरड व मंडळातील इतर सर्व सदस्य व ग्रामस्थ मोठ्या संख्येने उपस्थित होते.
