वार्तादूत – डिजिटल न्युज नेटवर्क
लोहारा शहरातील नेताजी सुभाषचंद्र बोस कनिष्ठ महाविद्यालय लोहारा तालुका कनिष्ठ महाविद्यालय प्राध्यापक संघटनेची बैठक घेण्यात आली. या बैठकीत प्रा. प्रशांत काळे यांची अध्यक्षपदी तर सचिवपदी प्रा. शंकर शिंदे यांची सर्वानुमते बिनविरोध निवड करण्यात आली.
या बैठकीच्या अध्यक्षस्थानी प्रा. राजेंद्र साळुंके होते. सूत्रसंचालन प्रा. सचिन शिंदे यांनी तर प्रास्ताविक प्रा. सुनिल बहिरे यांनी केले. निरीक्षक म्हणून प्रा. प्रशांत भागवत उपस्थित होते. यावेळी निरीक्षक प्रशांत भागवत यांचे स्वागत प्रा. ज्ञानदेव शिंदे यांनी केले. अध्यक्ष व सचिव पदासाठी सूचक म्हणून प्रा. लक्ष्मीकांत कुलकर्णी होते. दोघांच्या निवडीसाठी सर्वानी अनुमोदन दिले. तसेच आभार प्रा. सुनिल बहिरे यांनी मानले. यावेळी सर्व प्राध्यापकानी नवनिर्वाचित अध्यक्ष प्रा. प्रशांत काळे व सचिव प्रा. शंकर शिंदे यांना शुभेच्छा दिल्या. निवडीनंतर प्राचार्या उर्मिला पाटील अध्यक्ष प्रा. प्रशांत काळे व सचिव प्रा. शंकर शिंदे यांचा सत्कार करून अभिनंदन केले. यावेळी सर्व प्राध्यापक, शिक्षक, शिक्षकेतर कर्मचारी आदी उपस्थित होते.
