लोहारा तालुक्यातील कास्ती (खु) येथील दोनशे कुटुंबांना ओला कचरा व सुका कचरा वेगळा ठेवण्यासाठी ग्रामपंचायतच्या वतीने गुरुवारी (दि.११) प्रत्येक कुटुंबास दोन कचराकुंडीचे वाटप करण्यात आले.
तालुक्यातील कास्ती (खु) येथे ग्रामपंचायत कार्यालयाच्या वतीने सांडपाणी घनकचरा व्यवस्थापन अंतर्गत १५ व्या वित्त आयोगातून गावातील दोनशे कुटुंबांना ओला कचरा व सुका कचरा वेगळा ठेवण्यासाठी प्रत्येक कुटुंबास दोन कचराकुंडीचे वाटप करण्यात आले. यावेळी सरपंच सागर पाटील, उपसरपंच इंद्रजित लोभे, ग्रामपंचायत सदस्य विमल भंडारे, निलावती हिंगमीरे, धनराज हजारे, निलाबाई बंडगर, रुक्मिणी बनसोडे, ग्रामसेवक रामदास बोयने, सीआरपी कार्यकर्त्या राजकन्या हजारे, जयश्री कदम, ग्रामसंघाध्यक्ष सुमन भंडारे यांच्यासह अंगणवाडी कार्यकर्ती, सेविका, आशा कार्यकर्त्या व गावातील नागरिक उपस्थित होते.
