वार्तादूत – डिजिटल न्युज नेटवर्क
लोहारा तालुक्यातील धानुरी येथील विद्यामाता इंग्लिश स्कुलच्या तीन विद्यार्थ्यांनी विज्ञान विषयाच्या ज्युनिअर आयएएस या परीक्षेत यश मिळविले आहे. त्याबद्दल स्कुलमध्ये सोमवारी (दि. १७) सत्कार करण्यात आला.
तालुक्यातील धानुरी येथील विद्यामाता इंग्लिश स्कुलच्या इयत्ता सहावी व सातवी वर्गातील एकूण ११ विद्यार्थ्यांनी विज्ञान विषयाच्या ज्युनिअर आयएएस या ऑनलाईन परीक्षेत सहभाग घेतला होता. त्यापैकी ज्योती साळुंके, समर्थ देशमुख, श्रीनिवास पोतदार या विद्यार्थ्यांची नॅशनल लेव्हल परीक्षेसाठी निवड झाली आहे. त्याबद्दल स्कुलच्या वतीने सोमवारी (दि.१७) त्यांचा सत्कार करण्यात आला. यावेळी मुख्याध्यापिका हिरा सोलापुरे यांच्यासह लता भोसले, सुनीता सलगरकर, मनिषा तेलकर, आशा कांबळे, सुवर्णा शिंदे, जन्नत कारभारी, शिवमाला हुडगे, ज्योती साठे, सुनिल कांबळे आदी उपस्थित होते.