वार्तादूत – डिजिटल न्युज नेटवर्क
लोहारा तालुक्यातील लोहारा (खुर्द) येथे शनिवारी (दि. २६) जनसुविधा अनुदानातून करण्यात आलेल्या सिमेंट रस्त्याचे लोकार्पण तसेच आमदार स्थानिक विकास निधीतून होत असलेल्या सभामंडप बांधकामाचे भूमिपूजन करण्यात आले.
आमदार ज्ञानराज चौगुले यांच्या प्रयत्नांतून तालुक्यातील लोहारा(खुर्द) येथे जनसुविधा विशेष अनुदान २०२०- २१ अंतर्गत सिमेंट रोड करण्यात आले आहेत. या कामाचे लोकार्पण तसेच आमदार स्थानिक विकास निधीतून होत असलेल्या सभामंडप बांधकामाचे भूमिपूजन आमदार ज्ञानराज चौगुले यांच्या हस्ते शनिवारी करण्यात आले. 
तसेच कै. गयाबाई रावसाहेब पाटील सामाजिक संस्था लोहारा (खुर्द ) या संस्थेच्या नाम फलकाचे उद्घाटनही आमदार चौगुले यांच्या हस्ते करण्यात आले. यावेळी शिवसेना तालुकाप्रमुख मोहन पनुरे, शेतकरी सेना तालुकाप्रमुख शेखर पाटील, गटविकास अधिकारी सोपान अकेले, विस्तार अधिकारी संजय ढाकणे, शाखा अभियंता राजेंद्र माळी, रोडगे, नगरसेवक अविनाश माळी, अभिमान खराडे, प्रमोद बंगले, दिपक रोडगे, सरपंच सचिन रसाळ, उपसरपंच केशरबाई कांबळे, ग्रामसेवक जी. डी. कोकाटे, माजी सरपंच शोभा पाटील, मुकुंद रसाळ, पुष्पा पाटील, अर्चना पाटील, लक्ष्मी रसाळ, राजकुमार लोखंडे, सुग्रीव पाटील, पंढरी रसाळ, अण्णासाहेब रसाळ, बिरुदेव सूर्यवंशी, हनुमंत रसाळ, नामदेव मूर्टे, बिभिषण रसाळ आदींसह नागरिक, महिला उपस्थित होत्या.
