वार्तादूत – डिजिटल न्युज नेटवर्क – लोहारा / सुमित झिंगाडे
लोहारा शहरासह तालुक्यात गुरुवारी (दि.२) प्रजासत्ताक दिन उत्साहात साजरा करण्यात आला. यावेळी विविध शासकीय, निमशासकीय कार्यालय, शाळा, महाविद्यालयासह अनेक वर्षे ठिकाणी ध्वजारोहण करण्यात आले.
लोहारा येथील तहसील कार्यालयात तहसीलदार संतोष रुईकर, नगरपंचायत कार्यालयात नगराध्यक्षा वैशाली अभिमान खराडे, लोहारा पोलीस ठाण्यात पोलीस निरीक्षक अजित चिंतले यासह विविध कार्यालयात ध्वजारोहण करून प्रजासत्ताक दिन उत्साहात साजरा करण्यात आला.
प्रजासत्ताक दिनाचे औचित्य साधून प्रथमत: शहरातून प्रभात फेरी काढण्यात आली. लोहारा तालुक्यातील हराळी येथील ज्ञान प्रबोधनी विद्यालयात केंद्रप्रमुख अभिजित कापरे यांच्या हस्ते ध्वजारोहण करण्यात आले. नागुर येथिल जिल्हा परिषद प्राथमिक शाळेत शालेय समिती उपाध्यक्ष अकबर तांबोळी यांच्या हस्ते ध्वजारोहण करण्यात आले. प्रजासत्ताक दिनानिमित्त सांस्कृतिक कार्यक्रमाचे आयोजन करण्यात आले होते.
