लोहारा तालुक्यात भूकंप – राजेगाव परिसरात जाणवले भूकंपाचे धक्के – नागरिकांत भितीचे वातावरण

वार्तादूत – डिजिटल न्युज नेटवर्क
लोहारा तालुक्यातील राजेगाव परिसरात शुक्रवारी (दि.१८) रात्री २ वाजून ८ मिनिटाच्या सुमारास भूकंपाचे सौम्य धक्के जाणवल्याचे नागरिकांनी सांगितले. यामुळे नागरिकांच्या मनात भितीचे वातावरण निर्माण झाले आहे.
१९९३ साली सास्तुर परिसरात महाप्रलंयकारी भूकंप झाला होता. यात हजारो नागरिक मृत्युमुखी पडले होते. मागील काही महिन्यात या प्रकारचे गूढ आवाज येण्याचे प्रमाण वाढले आहे. या परिसरात झालेल्या महाप्रलयंकारी भूकंपाला २९ वर्षे झाली. भूकंप म्हणले तरी या परिसरातील नागरिकांच्या अंगावर काटा येतो. आत्ता कुठे नागरिक त्या कटू आठवणींना विसरून जीवन जगत असताना पुन्हा एकदा या भूकंपाच्या धक्क्यामुळे परिसरात भीतीचे वातावरण निर्माण झाले आहे. शुक्रवारी (दि.१८) रात्री २ वाजून ८ मिनिटाच्या सुमारास भूकंपाचे सौम्य धक्के जाणवल्याचे राजेगाव येथील नागरिकांनी सांगितले. या भूकंपाच्या सौम्य धक्क्यामुळे नागरिकांच्या मनात भितीचे वातावरण निर्माण झाले आहे. २.४ रिष्टर स्केल च्या भूकंपाची नोंद झाली असल्याचे राजेगाव येथील शिक्षक अविनाश देशमुख यांनी सांगितले आहे.