लोहारा येथील स्वस्त धान्य दुकानदाराचा उस्मानाबाद जिल्हाधिकारी कार्यालयात सत्कार

लोहारा / सुमित झिंगाडे
लोहारा शहरातील दुकान क्र. 2 चे दुकानदार वैजिनाथ माणिकशेट्टी व दुकान क्र. 3 चे दुकानदार ईनुस पटेल, यांच्या दुकानाला आय एस ओ मानांकन मिळाले असून त्यांचा दि. 27 डिसेंबर रोजी उस्मानाबाद जिल्हाधिकारी कार्यालयात अप्पर जिल्हाधिकारी शिवाजी शिंदे व जिल्हा पुरवठा अधिकारी स्वाती शेंडे, नायब तहसिलदार राजाराम केलुरकर यांच्या हस्ते सत्कार करण्यात आला. यावेळी या दुकानदारांनी आपल्या दुकानात विविध प्रकारचे माहिती देणारे फलक व दुकानाचे रेकॉर्ड, स्टॉक रजिस्टर, सीसीटीव्ही कॅमेरे, अग्निशमन यंत्र, स्वच्छता आणि ग्राहकांना दिल्या जाणाऱ्या मूलभूत सुविधा व विविध प्रकारचे परवाने देणे आदींची पूर्तता केल्याने त्यांना आयएसओ नामांकन देण्यात आले आहे.