वार्तादूत – डिजिटल न्युज नेटवर्क
लोहारा येथे दि. ४ व ५ यादिवशी मुस्लिम समाजाचा जिल्हास्तरीय इज्तेमा होणार आहे. याची तयारी जवळपास पूर्ण झाली आहे. याची रुपरेषा व उद्देश सांगण्यासाठी लोहारा तालुक्यातील सामाजिक कार्यकर्ते, ज्येष्ठ नागरिकांची कार्यक्रम स्थळी गुरुवारी (दि.१) बैठक घेण्यात आली.
लोहारा येथे मुस्लिम समाजाचा उस्मानाबाद जिल्हास्तरीय इज्तेमा आयोजित करण्याचा निर्णय जवळपास एक महिन्यापूर्वी झाला होता. त्यानंतर या इज्तेमाची तयारी सुरू करण्यात आली होती. ही तयारी जवळपास पूर्ण झाली आहे. इज्तेमाचा उद्देश काय आहे, दोन दिवसीय इज्तेमात काय कार्यक्रम होणार आहेत याची माहिती सांगण्यासाठी गुरुवारी (दि.१) दुपारी कार्यक्रमस्थळी बैठक घेण्यात आली. या बैठकीसाठी तालुक्यातील ज्येष्ठ नागरिक, सामाजिक कार्यकर्ते उपस्थित होते. यावेळी जफरखानसाब यांनी उपस्थितांना याबाबत सविस्तर माहिती सांगितली. तसेच तयारी जवळपास पूर्ण झाली असल्याचे सांगितले.