वार्तादूत – डिजिटल न्युज नेटवर्क
लोहारा शहरातील लोहारा मल्टीस्पेशालिटी क्लिनिक च्या वतीने शुक्रवारी (दि.११) मोफत आरोग्य तपासणी शिबिराचे आयोजन करण्यात आले आहे. परिसरातील जास्तीत जास्त नागरिकांनी या शिबिराचा लाभ घ्यावा असे आवाहन करण्यात आले आहे.
या शिबिरात हृदयरोग, मधुमेह, थायरॉईड, अस्थिरोग, त्वचारोग, मेंदू व मणका विकार आदींची मोफत तपासणी तज्ञ डॉक्टरांकडून करण्यात येणार आहेत. या शिबिरात जे जे हॉस्पिटल मुंबई येथील हृदयरोग तज्ञ डॉ. पंडित जळकोटे, न्युरो सर्जन डॉ. रमण महाळंगीकर, अस्थिरोग तज्ञ डॉ. श्रीराम देवकते, मुंबई येथील त्वचारोग तज्ञ डॉ. हेमंत केंद्रे, जे जे हॉस्पिटल मुंबई येथील हृदयरोग व मधुमेह तज्ञ डॉ. शुभम जमादार तपासणी करणार आहेत.
लोहारा शहरातील छत्रपती शिवाजी महाराज चौक येथील पाटोदा रोडवरील जट्टे कॉम्प्लेक्सच्या पहिल्या मजल्यावर असलेल्या लोहारा मल्टीस्पेशालिटी क्लिनिक येथे शुक्रवारी दि. ११ रोजी सकाळी ९ ते दुपारी ३ या कालावधीत हे शिबीर होणार आहे. शिबिरात येताना रुग्णांनी स्वतःची जुनी फाईल व सध्या चालू असलेली औषधे सोबत घेऊन यावीत. या शिबिराचा लोहारा तालुका व परिसरातील जास्तीत जास्त नागरिकांनी लाभ घ्यावा असे आवाहन आयोजकांनी केले आहे.
