लोहारा शहरात बुधवारी (दि. १७) मुस्लिम समाजातील सामुदायिक विवाह सोहळा पार पडला. सामुदायिक सोहळ्याचे हे सलग दुसरे वर्ष होते.
लोहारा शहरातील अस्लम सय्यद यांच्याकडून मागील वर्षापासून या सामुदायिक विवाह सोहळा आयोजित करण्यात येत आहे. यावर्षी बुधवारी (दि.१७) रात्री सातच्या सुमारास हा सामुदायिक विवाह सोहळा संपन्न झाला. यात एकूण ५ जणांचा विवाह पार पडला. या कार्यक्रमासाठी माजी नगरसेवक अभिमान खराडे, उपनगराध्यक्ष आयुब शेख, नगरसेवक आरिफ खानापुरे, अमीन सुंबेकर, विजय ढगे यांच्यासह आयुब अब्दुल शेख, अस्लम सय्यद, दिपक रोडगे, ओम कोरे, शब्बीर गवंडी, के. डी. पाटील, अजीज सय्यद, प्रदीप मदने, शरद गायकवाड यांची प्रमुख उपस्थिती होती. यावेळी मुस्लिम समाजाचे गुरू एजाज मौलाना यांनी उपस्थितांना मार्गदर्शन केले.
या सामुदायिक विवाह सोहळ्याच्या यशस्वीतेसाठी निहाल मुजावर, अष्पाक शेख, मुन्ना जाधव, ओम पाटील, काका घोडके, महेबूब सय्यद, मुस्तफा शेख, मतीन शेख, जहीर खुटेपड, अमीन कुरेशी, सलीम कुरेशी, अकबर शेख यांच्यासह अनेकांनी परिश्रम घेतले.
