लोहारा शहर व परिसरात विजांच्या कडकडाटासह पावसाला सुरुवात – वीजपुरवठा खंडित

वार्तादूत – डिजिटल न्युज नेटवर्क
लोहारा शहर व परिसरात रविवारी (दि. ४) सायंकाळी ७ च्या सुमारास विजांच्या कडकडाटासह जोरदार पावसाला सुरुवात झाली आहे.
मागील काही दिवसांत लोहारा तालुक्यात पावसाने जोरदार हजेरी लावली आहे. ३० ऑगस्ट ला रात्री लोहारा शहरासह कानेगाव परिसरात जोरदार पावसाने हजेरी लावली होती. या पावसामुळे लोहारा शहरातील अनेक घरात पावसाचे पाणी शिरले होते. यावेळी लोहारा येथे तब्बल १२७ मिमी पावसाची नोंद झाली होती. त्यानंतर सलग दोन दिवस पावसाने हजेरी लावली होती. रविवारी पहाटेची तालुक्यात पावसाने हजेरी लावली होती. सायंकाळी ७ च्या सुमारास विजांच्या कडकडाटासह जोरदार पाऊस सुरू झाला आहे. या पावसावेळी वीजपुरवठा खंडित झाला आहे. मागील काही दिवसांत झालेल्या पावसामुळे तालुक्यातील अनेक ठिकाणी शेतीचे मोठ्या प्रमाणात नुकसान झाले आहे.