वार्तादूत – डिजिटल न्युज नेटवर्क
जिल्हाधिकारी कौस्तुभ दिवेगावकर यांच्या निर्देशानुसार तहसील कार्यालय लोहारा यांच्या मार्फत स्वातंत्र्याचा अमृत महोत्सवी वर्ष व महात्मा गांधी जयंती निमित्त शनिवारी (दि.२) तहसील कार्यालय, सर्व महसूल मंडळ कार्यालय, सर्व तलाठी कार्यालयात शेतकऱ्यांना मोफत सुधारित नविन डिजीटल ७/१२ उतारा वितरण शुभारंभ कार्यक्रम घेण्यात आला.
लोहारा पंचायत समितीच्या सभागृहात महसुल मंडळ लोहारा यांच्या वतीने शेतकऱ्यांना सुधारीत डिजीटल ७/१२ वितरण कार्यक्रम घेण्यात आला. या कार्यक्रमाच्या अध्यक्षस्थानी पंचायत समितीच्या सभापती हेमलता रणखांब होत्या. यावेळी तहसीलदार संतोष रुईकर, माजी नगरसेवक आयुब शेख, प्रभारी नायब तहसीलदार एम.जी.जाधव उपस्थित होते. यावेळी लोहारा मंडळातील शहाजी जाधव, आयुब शेख, बंडु वैरागकर, विरेंद्र नरुने, अल्लाबक्ष आत्तार, सय्यद इनामदार, मोहन गोरे, नितीन गोरे, दत्ता घाडगे, बालाजी माटे, श्रीधर गोरे, अनिता जाधव, अशोक क्षीरसागर आदींना पं.स. सभापती हेमलता रणखांब, तहसीलदार संतोष रुईकर आदी मान्यवरांच्या हस्ते नविन डिजीटल ७/१२ उतारा वाटप करण्यात आला. यावेळी तहसीलदार संतोष रूईकर यांनी सविस्तर मार्गदर्शन केले. यावेळी मंडळ अधिकारी बी.एस.भरनाळे, तलाठी बी.एस. हंगरगे, एस.एस.गलांडे, अरुण कांबळे, वजीर आत्तार, संतोष गवळी, विनोद जाधव, शहाजी जाधव, सय्यद इनामदार यांच्यासह शेतकरी, प्रतिष्ठित नागरीक, तलाठी उपस्थित होते.
