कृषि विभाग जिल्हा परिषद उस्मानाबाद यांचे मार्फत विविध वैयक्तिक योजनांसाठी अर्ज घेणे सुरू आहे. त्यामुळे तालुक्यातील शेतकऱ्यांनी लोहारा पंचायत समिती कार्यालयात दि.३ जूनपर्यंत अर्ज सादर करावेत असे आवाहन पंचायत समितीच्या वतीने करण्यात आले आहे.
याबाबत पंचायत समिती कडून एक प्रसिद्धीपत्रक काढण्यात आले आहे. त्यात म्हणले आहे की, कृषि विभाग जिल्हा परिषद उस्मानाबाद यांचे मार्फत विविध वैयक्तिक योजनांसाठी अर्ज घेणे सुरू आहे. त्यामुळे तालुक्यातील शेतकऱ्यांनी लोहारा पंचायत समिती कार्यालयात दि.३ जूनपर्यंत अर्ज सादर करावेत. या योजनेअंतर्गत कडबाकुट्टी करिता दहा हजार रुपये अनुदान देण्यात येणार आहे. तसेच पाणबुडी मोटर संचकरिता दहा हजार रुपये, पीव्हीसी पाईप संच – प्रती संच दहा हजार रुपये अनुदान देण्यात येणार आहे. तसेच बायोगॅस सयंत्र करिता प्रती सयंत्र बावीस हजार आठशे पन्नास रुपये अनुदान देण्यात येणार आहे.टोकन यंत्र- प्रती यंत्र चार हजार रुपये अनुदान देण्यात येणार आहे. निबोंळी पावडर यंत्र- प्रती यंत्र वीस हजार रुपये अनुदान देण्यात येणार आहे. तर फवारणी पंप- प्रती पंप दोन हजार रुपये अनुदान देण्यात येणार आहे.
या सर्व योजना ५० टक्के अनुदानावर राबविण्यात येत असून या योजनांसाठी पंचायत समिती कृषि विभाग स्तरावर अर्ज घेणे सुरु आहे. सदर योजनांचा लाभ घेण्यासाठी शेतकऱ्यांनी लोहारा पंचायत समितीच्या कृषी अधिकारी व विस्तार अधिकारी कृषी यांचेकडे दि. ३ जून 2023 पर्यत अर्ज सादर करावेत. बायोगॅस सयंत्र उभा करून कार्यान्वित केल्यावर अनुदान देण्यात येईल. या योजनांची अधिक माहिती घेण्यासाठी आपल्या तालुक्याच्या पंचायत समितीतील कृषी अधिकारी व विस्तार अधिकारी कृषी यांच्याशी संपर्क साधावा. ज्या लाभार्थ्यांचे अर्ज प्रथम प्राप्त होतील त्यांना प्राधान्य देण्यात येईल. सर्व तालुक्यांना प्रवर्गनिहाय लक्षांक वितरीत करण्यात आलेला आहे. अर्ज सादर करताना सातबारा, ८ अ, बँक पासबुक, आधार कार्ड, विहित नमुन्यातील अर्ज कडबाकुट्टी साठी जनावरे असलेचा दाखला, बायोगॅस साठी जनावरे असलेचा दाखला आवश्यक आहे.
