वार्तादूत – डिजिटल न्युज नेटवर्क
लोहारा तालुक्यातील सालेगाव येथे ब्रिगेडियर डॉ. शिवाजी भालेराव मेमोरियल ट्रस्टच्या वतीने सालेगावच्या नूतन सरपंच व सदस्यांचा सत्कार करण्यात आला.
सालेगाव येथील ब्रिगेडियर डॉ. शिवाजी भालेराव मेमोरियल ट्रस्टचे संस्थापक अध्यक्ष प्राचार्य डॉ. हरीश भालेराव यांनी केले होते. या कार्यक्रमासाठी राष्ट्रवादी काँग्रेसचे तालुकाध्यक्ष सुनील साळुंके, डॉ. हरीश भालेराव, स्वदेश फाउंडेशनचे डेप्युटी डायरेक्टर तुषार इनामदार यांची प्रमुख उपस्थिती होती. यावेळी डॉ. हरीश भालेराव यांनी नूतन सरपंच व सदस्यांचे अभिनंदन करून त्यांना पुढील कार्यासाठी शुभेच्छा दिल्या. त्यानंतर स्वदेश फाउंडेशनचे डेप्युटी डायरेक्टर तुषार इनामदार यांनी नवनिर्वाचित सदस्यांचे अभिनंदन करून स्वदेश फाउंडेशन मार्फत व शासनामार्फत सुरू असलेल्या ग्रामीण विकासाच्या विविध उपक्रमांची माहिती दिली. यावेळी सरपंच भाग्यश्री मुरलीधर पाटील यांच्यासह सदस्य परमेश्वर भालेराव, संगीता बाबर, हुसेन शेख, मनोज देशपांडे, वैजंता देशपांडे, शिलाबाई साळुंके, राजश्री चेंडके, किरण पाटील यांचा सत्कार करण्यात आला. या कार्यक्रमाचे सूत्रसंचालन शिवव्याख्याते गोपाळ माने यांनी केले. या कार्यक्रमासाठी गावातील नागरिक उपस्थित होते.
