वार्तादूत – डिजिटल न्युज नेटवर्क
लोहारा तालुक्यातील माकणी येथील रहिवाशी असलेले, मुंबई महानगरपालिका माध्यमिक विद्यालय, दादर येथे सहशिक्षक पदावर कार्यरत दाम्पत्य जितेंद्र भागवत आलमले, प्रियाताई जितेंद्र आलमले यांनी आपली कन्या कु.अवनी जितेंद्र आलमले हिचा 8 वा वाढदिवस शनिवारी (दि.१०) सास्तुर येथील निवासी दिव्यांग शाळेतील विद्यार्थ्यांना आवश्यक शैक्षणिक साहित्य – परीक्षापॅड, पेन्सिल सेट,पेन इ.व खाऊ वाटप करून मोठ्या उत्साहात साजरा केला.
वाढदिवसानिमित्त आयोजित या कार्यक्रमासाठी माकणी येथील ॲड. दादासाहेब जानकर, दिग्विजय साठे, चि. उत्कर्ष किशोर आलमले, चि. अवनिश जितेंद्र आलमले, सहशिक्षिका अंजली चलवाड, विठ्ठल शेळगे, प्रयाग पवळे, गोरख पालमपल्ले, ज्ञानोबा माने, शंकरबाबा गिरी, संभाजी गोपे, संजय शिंदे व विद्यार्थी उपस्थित होते. सर्वप्रथम प्रशालेच्या वतीने उपस्थित आलमले परिवार व उपस्थित मान्यवरांचा प्रशालेच्या वतीने पुष्गुच्छ देऊन स्वागत करण्यात आले. सर्व विद्यार्थ्यांमध्ये कु. अवनी आलमलेच्या हस्ते केक कापून, शैक्षणिक साहित्य वाटप करण्यात आले. यावेळी जितेंद्र आलमले, प्रियाताई आलमले, ॲड.दादासाहेब जानकर यांचे विद्यार्थ्यांना मार्गदर्शन लाभले.
उपस्थित सर्व विद्यार्थी व कर्मचारी यांच्या वतीने कु.अवनीला उदंड आयुष्य लाभो यासाठी शुभेच्छा देण्यात आल्या.
