वार्तादूत – डिजिटल न्युज नेटवर्क
लोहारा नगरपंचायतच्या शिवसेना उद्धव बाळासाहेब ठाकरे गटाच्या नगरसेविका मयुरी अमोल बिराजदार व युवासेना तालुका प्रमुख अमोल बिराजदार यांच्या वतीने प्रभाग सहा करिता बाळासाहेब ठाकरे कन्या सन्मान योजना सुरू करण्यात आली आहे. या योजनेचा शुभारंभ खासदार ओमप्रकाश राजेनिंबाळकर यांच्या हस्ते रविवारी (दि.१८) करण्यात आला.
प्रभाग क्रमांक सहा मधील सामान्य कुटुंबातील मुलीच्या कन्यादानासाठी सामाजिक बांधिलकी जपत आपलाही काही हातभार राहावा या हेतुने शिवसेना उद्धव बाळासाहेब ठाकरे गटाच्या नगरसेविका मयुरी अमोल बिराजदार व युवासेना तालुका प्रमुख अमोल बिराजदार यांच्या वतीने ही योजना सुरू करण्यात आली आहे. याचा शुभारंभ खा. निंबाळकर यांच्या हस्ते यावेळी करण्यात आला. यावेळी प्रभाग क्रमांक सहा मधील रहिवासी रघुवीर घोडके यांच्या मुलीच्या लग्न सोहळ्यात पाच ग्राम सोन्याची अंगठी देऊन या योजनेचा शुभारंभ करण्यात आला. नगरसेविका मयुरी बिराजदार यांनी घोडके यांची कन्या शिल्पा हिच्या हातात अंगठी घातली. या योजनेचा लाभ प्रभाग सहा मधील काही कुटूंबांना होणार आहे.
यावेळी राष्ट्रवादी काँग्रेसचे जेष्ठ नेते नागण्णा वकिल, वि.का.से. सोसायटीचे माजी चेअरमन दत्तात्रय बिराजदार, युवा सेना उपजिल्हाप्रमुख नामदेव लोभे, शिवसेना शहरप्रमुख सलीम शेख, युवासेना तालुका प्रमुख अमोल बिराजदार, माजी उपनगराध्यक्ष प्रताप घोडके, माजी पं.स. सभापती विलास भंडारे, माजी ग्रा.पं.सदस्य महेबूब गवंडी, माजी पं.स. सदस्य सुधिर घोडके, नितीन जाधव, रेबेचिंचोलीचे उपसरपंच पवन मोरे, प्रेम लांडगे, विकास घोडके, रवी कुलकर्णी, जगदीश लांडगे, प्रकाश भगत, राजेंद्र रवळे, तानाजी घोडके, शहाजी जाधव, आकाश विरोधे, राहुल विरोधे, आप्पु स्वामी आदींसह नागरिक उपस्थित होते. नगरसेविका मयुरी बिराजदार व युवासेना तालुकाप्रमुख अमोल बिराजदार यांच्याकडून सामाजिक बांधिलकी जपत नागरिकांसाठी वेगवेगळ्या योजना राबविण्यात येत असतात. या स्तुत्य उपक्रमाबद्दल नगरसेविका मयुरी बिराजदार व युवासेना तालुकाप्रमुख अमोल बिराजदार यांचे सर्वत्र कौतुक केले जात आहे.