स्वयंम शिक्षण प्रयोगकडून गरजू लोकांना अन्नधान्य किट वाटप – लोहारा तालुक्यातील अचलेर येथील 22 गरजू कुटुंबांना केले किटचे वाटप

वार्तादूत – डिजिटल न्युज नेटवर्क
लोहारा तालुक्यातील अचलेर येथे स्वयंम शिक्षण प्रयोग संस्था उस्मानाबाद, कौशल्या फाऊंडेशन आणि स्माईल फॉर ऑल यांच्या संयुक्त विद्यमाने शनिवारी (दि.१९) २२ गरीब, गरजू,विधवा, परितक्ता कुटुंबाना अन्नधान्य किटचे वाटप करण्यात आले.
सध्या सर्वत्र कोरोनाचा प्रादुर्भाव आहे. यामुळे अनेकांचे रोजगार गेले आहेत. गावातील अपंग, निराधार लोकांना थोडासा आधार मिळावा यासाठी स्वयंम शिक्षण प्रयोगच्या तालुका व्यवस्थापक शिल्पा वलदोडे, लिडर दिपाली चव्हाण यांनी पुढाकार घेऊन मदत स्वरूपात किराणा किटचे वाटप करण्याचे ठरवले. त्यानुसार शनिवारी (दि.१९) कृषि सहायक स्वामी, माजी सरपंच सुभाष सोलंकर, ग्रामपंचायत सदस्य शिवराज कामलापुरे, गोविंद चव्हाण यांच्या हस्ते हे किट वाटप करण्यात आले. यावेळी कृषि सहायक स्वामी यांनी बीबीएफ यंत्र, शासकीय योजना याबद्दल माहिती दिली. अडचणीच्या काळात ही मदत मिळाल्यामुळे या महिलांनी स्वयंम शिक्षण प्रयोग संस्थेच्या संचालक प्रेमा गोपालम, प्रोजेक्ट डायरेक्टर उपमन्यू पाटील, प्रोजेक्ट मॅनेजर तबसुम मोमीन यांचे आभार मानले. यावेळी स्वयंम शिक्षण प्रयोग संस्थेच्या सुपरवायझर शितल रणखांब, लिडर दिपाली चव्हाण व लाभार्थी उपस्थित होते.