लोहारा शहरातील काँग्रेसचे ज्येष्ठ नेते नागन्ना वकील यांचा राष्ट्रवादी काँग्रेसमध्ये समर्थकांसह जाहीर प्रवेश – प्रदेशाध्यक्ष जयंत पाटील, सामाजिक न्याय मंत्री धनंजय मुंडे, पाणीपुरवठा राज्यमंत्री संजय बनसोडे यांच्या उपस्थितीत प्रवेश – नगरपंचायत निवडणुकीच्या तोंडावर काँग्रेस पक्षाला मोठा धक्का

वार्तादूत – डिजिटल न्युज नेटवर्क
लोहारा शहरातील काँग्रेस (आय) चे ज्येष्ठ नेते तथा समन्वय समितीचे अध्यक्ष नागन्ना वकील यांनी राष्ट्रवादी काँग्रेसचे प्रदेशाध्यक्ष जयंत पाटील यांच्या हस्ते गुरुवारी (दि.२४) समर्थकांसह राष्ट्रवादी काँग्रेसमध्ये जाहीर प्रवेश केला.
राष्ट्रवादी काँग्रेसचे प्रदेशाध्यक्ष तथा जलसंपदा मंत्री जयंत पाटील हे राष्ट्रवादी परिवार संवाद दौऱ्यावर आहेत. या दौऱ्यादरम्यान गुरुवारी ( दि. २४) तुळजापूर येथे उमरगा – लोहारा विधानसभा मतदारसंघाचा आढावा आयोजित करण्यात आला होता. यावेळी लोहारा शहरातील काँग्रेस (आय) पक्षाचे ज्येष्ठ नेते तथा समन्वय समितीचे अध्यक्ष, माजी सरपंच नागन्ना वकील यांनी त्यांच्या समर्थकांसह प्रदेशाध्यक्ष तथा जलसंपदा मंत्री जयंत पाटील यांच्या हस्ते राष्ट्रवादी काँग्रेस मध्ये जाहीर प्रवेश केला आहे. यावेळी सामाजिक न्याय मंत्री धनंजय मुंडे, पाणीपुरवठा राज्यमंत्री संजय बनसोडे, महिला प्रदेशाध्यक्ष रूपाली चाकणकर, युवक प्रदेशाध्यक्ष महेबूब शेख, युवती प्रदेशाध्यक्ष सक्षणा सलगर, जिल्हाध्यक्ष सुरेश बिराजदार, माजी आमदार राहुल मोटे, विधानसभा अध्यक्ष विजय लोमटे, लोहारा तालुकाध्यक्ष सुनील साळुंके, सामाजिक न्याय विभागाचे प्रदेश सरचिटणीस जालिंदर कोकणे, जिल्हा सहचिटणीस शब्बीर गवंडी, जिल्हा कार्यकारिणी सदस्य बाबा शेख, युवक तालुकाध्यक्ष नाना पाटील, महिला तालुकाध्यक्ष शरिफा सय्यद, महिला शहराध्यक्षा सुलोचना रसाळ, युवती तालुकाध्यक्षा अक्षता गगन माळवदकर, शहराध्यक्ष आयुब शेख, माजी नगरसेवक गगन माळवदकर यांच्यासह प्रमुख पदाधिकारी व कार्यकर्ते उपस्थित होते. यावेळी नागन्ना वकील यांच्यासोबत बसवराज पाटील, दिलीप जाधव, बाबासाहेब जाधव, विश्वजीत पाटील, बसवराज तोडकरी, तानाजी सरवदे, अनिल आडे, प्रशांत कारले, बाबा पवार आदीनी प्रवेश घेतला आहे.लोहारा नगरपंचायत निवडणूक पुढील काही दिवसात जाहीर होण्याची शक्यता आहे. अशा परिस्थितीत नगरपंचायत निवडणुकीच्या पार्श्वभूमीवर काँग्रेस (आय) पक्षातील ज्येष्ठ नेत्याने त्यांच्या समर्थकांसह राष्ट्रवादी काँग्रेसमध्ये प्रवेश केल्याने काँग्रेस आय पक्षाला मोठा धक्का असल्याचे बोलले जात आहे.