दिव्यांग व्यक्तीला न्याय द्या – प्रहार अपंग क्रांती संघटनेची निवेदनाद्वारे मागणी

लोहारा शहरातील दिव्यांग व्यक्ती उत्तरेश्वर उपरे यांना न्याय मिळवून द्यावा या मागणीसाठी प्रहार अपंग क्रांती संघटनेच्या वतीने मंगळवारी (दि.२०) नगरपंचायत मुख्याधिकारी व लोहारा तहसीलदार यांना निवेदन देण्यात आले.
या निवेदनात म्हटले आहे की, उतरेश्वर राम उपरे हे लोहारा शहरातील प्रभाग क्रमांक पाच मधील रहिवासी असून त्यांना १९८१-८२ मध्ये गंगाबाई उत्तमराव उपरे
या नावाने भूखंड प्रमाणपत्र दिले आहे. कबाला नुसार त्यांची ३३/३३ इतकी जागा आहे. सदरील जागेला ये जा करण्यासाठी जो रस्ता होता. त्या रस्त्यावर येथील लोकांनी अतिक्रमण केले आहे. तरी ते अतिक्रमण काढावे व दिव्यांग व्यक्तीवर होणारा अन्याय दुर करावा अशी मागणी या निवेदनात करण्यात आली आहे.

अन्यथा प्रहारस्टाईल आंदोलन करण्यात येईल व याला शासन जबाबदार राहील असा ईशारा या निवेदनात देण्यात आला आहे. लोहारा नगरपंचायत व तहसिल कार्यालयास हे निवेदन देण्यात आले आहे. निवेदनावर उत्तरेश्वर उपरे, श्रीमंत गरड, लक्ष्मण बिराजदार, अभिजित साळुंके, विद्यासागर खुणे, सागर पावले आदींच्या सह्या आहेत.