लोहारा येथील श्रीराम मंदिर येथे शुक्रवारी (दि.१२) अयोध्येतून आलेल्या मंगल कलशाचे पूजन व महाआरती करण्यात आली. त्यानंतर शहरातून भव्य शोभायात्रा काढण्यात आली.
शहरातील श्रीराम मंदिर येथे अयोध्येतून आलेल्या मंगल कलशाचे पूजन ह.भ.प. महेश महाराज माकणीकर, ब्रम्हकुमारी सरिता बहणजी, बेंडकाळचे प्रभूनाथ महाराज, नायब तहसीलदार माधव जाधव, नगराध्यक्ष वैशाली अभिमान खराडे, माजी सैनिक राजेंद्र सूर्यवंशी, मदन कुलकर्णी, बबन महाराज यांच्या हस्ते करण्यात आले. तसेच यावेळी महाआरती करण्यात आली.
त्यानंतर शोभायात्रेस सुरुवात झाली. या शोभायात्रेत रथामध्ये राजशाही प्रभू श्रीराम, लक्ष्मण, सीता हे रथावर आणि वनवासी रूपातील राम, लक्ष्मण, सीता, रामभक्त हनुमान, बाल रूपामध्ये रामलल्ला या सुंदर वेशभूषा केलेल्या देखाव्यातून प्रभू श्रीरामाचे जीवनपट साकारलेले होते. हे दृश्य पाहून शहरातील वातावरण अतिशय राममय झाले होते. या शोभायात्रेमध्ये लोहारा येथील हरिहर भजनी मंडळ, कास्ती येथील पांडुरंग वासुदेव, न्यू व्हिजन इंग्लिश स्कूलमधील चिमुकले स्वामी विवेकानंद, मां जिजाऊ यांच्या वेशभूषेत, तालुक्यातील मार्डी, मोघा, जेवळी, वाडी वडगाव, भोसगा, आष्टा, हिप्परगा, उंडरगाव, नागराळ, नागुर, कास्ती, खेड, लोहारा खु. या गावातील तरुण मोठ्या संख्येने सहभागी झाले होते. त्याचबरोबर नगरसेवक जालिंदर कोकणे, अविनाश माळी, प्रशांत काळे, के. डी.पाटील, विजय ढगे, ओम कोरे, प्रमोद बंगले, सतिश गिरी, हरि लोखंडे, नाना पाटील, बालाजी मक्तेदार, शिवशंकर हत्तरर्गे, नेताजी शिंदे, प्रशांत लांडगे, शरणू कुंभार, गौरव गोसावी, मोहित मक्तेदार, सूरज पवार, सचिन माळी, महादेव सुतार यांच्यासह युवक, नागरिक मोठ्या संख्येने सहभागी झाले होते.
ही शोभायात्रा कास्ती रोड वरील श्रीराम मंदिर, छत्रपती शिवाजी महाराज चौक, महात्मा फुले चौक, डॉ. बाबासाहेब आंबेडकर चौक, हिप्परगा रोड, जगदंबा मंदीर, शिवनगर, कोर्ट, तहसील रोड, रजिस्ट्री ऑफिस, श्रीगिरे हॉस्पिटल या मार्गाने निघून भारतमाता मंदिर याठिकाणी शोभायात्रेचा समारोप महाप्रसादाने करण्यात आला. या शोभायात्रेच्या यशस्वीेतेसाठी शंकर जाधव, शहाजी जाधव, दत्ता जावळे पाटील, श्रीनिवास माळी, मनोज तिगाडे, दत्तात्रय पोतदार, कल्याण ढगे, यशवंत चंदनशिवे, दत्ता दंडगुले, विरेष स्वामी, प्रमोद पोतदार, दगडु तिगाडे, श्रीशैल्य जट्टे, युवराज जाधव, किशोर होनाजे, प्रदिप ढोबळे, गणेश हिप्परगेकर, संभाजी पोतदार, शिवराज झिंगाडे, संतोष फावडे, देवा महाजन, महेश चपळे, प्रेम लांडगे, सुयश दंडगुले यांनी अथक परिश्रम घेतले.
