लोहारा तालुक्यातील वडगाव (गां) व एस.बी. हायस्कूल जेवळी याठिकाणी आष्टाकासार बीटस्तरीय क्रिडा स्पर्धा घेण्यात आल्या. यात भोसगा येथील जिल्हा परिषद शाळेच्या विद्यार्थ्यांनी यश मिळवले आहे.
या बिटस्तरीय स्पर्धेत भोसगा जिल्हा परिषद शाळेतील विद्यार्थी सर्व खेळ प्रकारात सहभागी झाले होते व विविध खेळात यश ही मिळवले. यात मैथाली महादेव सोनकांबळे हिने उंच उडी मध्ये प्रथम क्रमांक, आदित्य अर्जुन कागे ६०० मीटर धावणे प्रथम क्रमांक, स्नेहा परमेश्वर नायकोडे बुद्धिबळ स्पर्धा द्वितीय क्रमांक, ऋतुजा अशोक राठोड थाळीफेक द्वितीय क्रमांक, मैथाली महादेव सोनकांबळे अडथळा शर्यत द्वितीय क्रमांक, मैथाली महादेव सोनकांबळे गोळा फेक द्वितीय क्रमांक, स्नेहा परमेश्वर नायकोडे थाळीफेक तृतीय क्रमांक, भूषण जनबस बिराजदार थाळीफेक तृतीय क्रमांक, अनुराधा किशोर केरुरे धावणे ४०० व १०० मीटर तृतीय क्रमांक, रिले स्पर्धा द्वितीय क्रमांक मिळवले. केंद्रप्रमुख तथा शाळेचे मुख्याध्यापक एम. एम. डोखले, शिक्षक एस. के. चिनगुंडे, एस. आर. डावरे, एस. एस. भोसले, एम. पी. गायकवाड, डी. बी. कांबळे, शाळा व्यवस्थापन समिती व ग्रामस्थ आदींनी या खेळाडूंचे अभिनंदन केले.
