लोहारा येथील जिल्हा परिषद प्राथमिक शाळेत शुक्रवारी (दि.३१) बाल आनंद मेळावा (खरी कमाई) हा उपक्रम घेण्यात आला.
या बाल आनंद मेळाव्यात पहिली ते सातवीच्या विद्यार्थ्यांनी एकूण नव्वद विविध खाद्यपदार्थ स्वतः तयार करून त्याची विक्री केली. विद्यार्थ्यांना व्यवहार ज्ञान व्हावे, नफा तोटा, खरेदी विक्री याची माहिती मिळावी या उद्देशाने या कार्यक्रमाचे आयोजन करण्यात आले होते. या मेळाव्यास शाळा व्यवस्थापन समितीचे अध्यक्ष हरी लोखंडे, उपाध्यक्ष हामजा खुटेपड, अमोल बिराजदार, बालाजी बिराजदार, युनूस पटेल, सुजित माशाळकर, केंद्रप्रमुख विश्वजित चंदनशिवे यांच्यासह पालक, नागरिक व महिला उपस्थित होत्या. हा मेळावा यशस्वी करण्यासाठी शाळेचे मुख्याध्यापक दत्तात्रय फावडे, शिक्षक सुर्यकांत पांढरे, बालाजी मक्तेदार, रमेश बनसोडे, दयानंद क्षीरसागर, अतुल भड, सचिन शिंदे, गुरुनाथ पांचाळ, बालाजी यादव, प्रताप साळुंके, संतोष माळवदकर यांच्यासह सर्व शिक्षकांनी पुढाकार घेतला.
