डॉ. संजय कांबळे तुगावकर यांचा शंकरराव जावळे पाटील वरिष्ठ महाविद्यालयात सत्कार

डॉ. बाबासाहेब आंबेडकर मराठवाडा विद्यापीठाचे सिनेट सदस्य प्राध्यापक डॉ. संजय कांबळे तुगावकर यांचा लोहारा शहरातील शंकरराव जावळे पाटील महाविद्यालयात सोमवारी (दि.२४) सत्कार करण्यात आला.
सिनेट सदस्य म्हणून निवडून आल्यानंतर प्रथमच कांबळे यांनी महाविद्यालयास भेट दिली. त्यानिमित्त संस्थेच्या वतीने व महाविद्यालयाच्या वतीने प्राचार्य डॉ. शेषराव जावळे पाटील यांनी सत्कार केला. या सत्कार प्रसंगी महाविद्यालयातील वरिष्ठ प्राध्यापक व कर्मचारी उपस्थित होते. यावेळी डॉ. संजय कांबळे यांनी विद्यापीठामध्ये प्राध्यापक व विद्यार्थ्यांच्या प्रश्नावर खंबीरपणे व समर्थपणे भूमिका मांडल्यामुळे विद्यापीठामध्ये प्राध्यापकाचे विद्यार्थ्यांचे जे प्रश्न होते ते मार्गी लागल्याची चर्चा करण्यात आली. तसेच उमरगा व लोहारा तालुक्यामधील राजकीय व सामाजिक प्रश्नावर चर्चा करण्यात आली. याप्रसंगी सर्व प्राध्यापक बांधव उपस्थित होते. मनोगतामध्ये कॉलेजचे प्राचार्य डॉ. शेषराव जावळे पाटील यांनी प्राध्यापक डॉ. संजय कांबळे यांच्या एकंदरीत तीस वर्षाच्या सामाजिक व राजकीय कार्याचा आढावा घेऊन त्यांचे कौतुक केले. महाविद्यालयातील प्राध्यापक श्री पाटील यांनी आभार मानले.