अखिल भारतीय धनगर समाज महासंघाच्या धाराशिव जिल्हाध्यक्ष पदी प्रताप घोडके यांची तर जिल्हा कार्याध्यक्ष पदी वैजीनाथ कागे यांची निवड करण्यात आली आहे.
अखिल भारतीय धनगर समाज महासंघ संघटनेचे प्रदेश सरचिटणीस दत्तात्रय गाडेकर यांनी मंगळवारी (दि.११) जिल्हा कार्यकारिणी व तालुकाध्यक्ष यांच्या निवडी घोषित केल्या. धाराशिव जिल्हाध्यक्ष पदी लोहारा नगरपंचायतचे माजी उपनगराध्यक्ष प्रताप घोडके यांची निवड करण्यात आली आहे. तसेच जिल्हा कार्याध्यक्षपदी तालुक्यातील भोसगा येथील माजी उपसरपंच वैजीनाथ कागे, जिल्हा सरचिटणीसपदी रघुवीर घोडके, लोहारा तालुकाध्यक्षपदी बालाजी कोरे, तुळजापूर तालुकाध्यक्षपदी प्रवीण घोडके, उमरगा तालुकाध्यक्षपदी विजयकुमार सोनकटाळे, लोहारा शहराध्यक्षपदी प्रेम लांडगे, लोहारा तालुका उपाध्यक्षपदी सचिन केरुरे यांच्या निवड करण्यात आली आहे. सर्व नवनियुक्त पदाधिकाऱ्यांना नियुक्तीपत्र देण्यात आले व त्यांचा सत्कार करण्यात आला. यावेळी लोहारा तालुका काँग्रेस कमिटी तालुकाध्यक्ष शामसुंदर तोरकडे, लोहारा तालुका भाजपा सरचिटणीस दगडू तिगाडे, कल्लप्पा गाडेकर, संदीप राठोड, नागनाथ ढोबळे, मनोहर घोडके, सौरभ कागे आदींसह समाजबांधव उपस्थित होते.
