लोहारा शहरातील महात्मा बसवेश्वर मंदिर येथे गुरुवारी(दि.१९) सभामंडपाचे भूमिपूजन करण्यात आले. जेवळी मठाचे म.नि.प्र.गंगाधर महास्वामीजी यांच्या प्रमुख उपस्थितीत शिवसेना उपनेते तथा माजी आमदार ज्ञानराज चौगुले यांच्या हस्ते भूमिपूजन करण्यात आले.
लोहारा शहरातील महात्मा बसवेश्वर मंदिर येथे सभामंडप बांधकामासाठी तत्कालीन आमदार ज्ञानराज चौगुले यांच्या प्रयत्नातून नगरविकास विभागाच्या नागरी स्थानिक स्वराज्य संस्थांच्या परिक्षेत्रात अधिसूचित विशिष्ट नागरी सेवा व सुविधा पुरविणे या योजनेअंतर्गत एक कोटी रुपये निधी मंजूर झाला होता. त्या कामाचे भूमिपूजन गुरुवारी (दि.१९) जेवळी मठाचे म.नि.प्र.गंगाधर महास्वामीजी यांच्या प्रमुख उपस्थितीत शिवसेना उपनेते तथा माजी आमदार ज्ञानराज चौगुले यांच्या हस्ते करण्यात आले. यावेळी नगराध्यक्षा वैशाली खराडे, उपनगराध्यक्ष अमीन सुंबेकर, माजी सरपंच शंकर जट्टे, नागन्ना वकील, तालुकाप्रमुख जगन्नाथ पाटील, उप जिल्हाप्रमुख शब्बीर गवंडी, नगरसेवक आरिफ खानापुरे, अविनाश माळी, के.डी. पाटील, विजय ढगे, श्रीकांत भरारे, जालिंदर कोकणे, दिपक रोडगे, गौस मोमीन, सारिका प्रमोद बंगले, ओम कोरे, हरी लोखंडे, संजय दरेकर, दत्ता फावडे, मल्लिनाथ फावडे, देवा महाजन, उमाशंकर जट्टे, सुधाकर पोतदार आदींसह नागरिक उपस्थित होते.
