लोहारा शहरातील हायस्कूल लोहारा शाळेच्या वार्षिक अंकाचे मान्यवरांच्या हस्ते विमोचन करण्यात आले.
हायस्कूल लोहारा ही शाळा सातत्याने दरवर्षी गुणपत्रकासोबत वार्षिक विविध उपक्रम, स्पर्धा, व्याख्याने, खेळ यांचाही रिपोर्ट कार्ड देते. सध्या गुणपत्रिका पुरेशी नसून विद्यार्थ्यांच्या सर्वांगीण विकासामध्ये त्याच्या इतर कौशल्यांना स्थान असायला पाहिजे. विविध स्पर्धांची प्रमाणपत्रे सुद्धा त्या विद्यार्थ्याकडे असावेत आणि या सर्व वार्षिक कार्यक्रमांचा आढावा घेऊन दरवर्षी शाळेची सर्वांग सुंदर वार्षिकांक तयार होतो. या वार्षिक अंकाचे विमोचन डॉ. अमलेश्वर गारठे, डॉ. चंद्रशेखर हंगरगे, नगरसेवक विजय ढगे, लोहारा शहरातील व्यापारी सचिन दीक्षित, सिद्धेश्वर वैरागकर, देवराव देवकर, प्रीतम होळकुंदे यांच्या हस्ते करण्यात आले. याप्रसंगी एनएमएमएस पात्र विद्यार्थिनी साक्षी बळीराम कोकणे हिचा मुख्याध्यापक दयानंद पोतदार यांच्या हस्ते सत्कार करण्यात आला. कार्यक्रमाचे सुत्रसंचलन प्रद्युम्न देवकर यांनी तर सतिष जट्टे यांनी आभार मानले.
