महात्मा बसवेश्वर (mahatma basaveshwar ) महाराज जयंतीनिमित्त लोहारा (lohara) शहरातील जयंती उत्सव समितीच्या वतीने रविवारी (दि. १२) शहरातून भव्य मिरवणुक काढण्यात आली होती. यावेळी मिरवणुकीत कोकण येथील हालत्या देखाव्याने शहरासह तालुकावासीयांचे लक्ष वेधून घेतले होते.
महात्मा बसवेश्वर महाराज जयंती निमित्त शहरात विविध कार्यक्रम घेण्यात आले. जयंती उत्सव समितीच्या वतीने रविवारी (दि. १२) सायंकाळी ६ च्या सुमारास या मिरवणुकीस सुरुवात झाली. शहरातील छत्रपती शिवाजी महाराज चौकात मान्यवरांच्या हस्ते महात्मा बसवेश्वरांच्या प्रतिमेचे पूजन करण्यात आले. यावेळी माजी सरपंच नागन्ना वकील, शंकर जट्टे, नगरसेवक जालिंदर कोकणे, प्रशांत काळे, जयंती उत्सव समितीचे अध्यक्ष सागर पाटील, उपाध्यक्ष गणेश कमलापुरे, सचिव वीरभद्र फावडे, सहसचिव गणेश पालके, ओम कोरे, अमोल बिराजदार, रघुवीर घोडके, हरी लोखंडे, बालाजी माशाळकर, प्रभाकर बिराजदार, ऍड. राजू माशाळकर, ओम पाटील, राजू जट्टे यांच्यासह शहरातील नागरिक उपस्थित होते.
या मिरवणुकीत कोकण येथील हालत्या देखाव्यांनी उपस्थितांचे लक्ष वेधून घेतले होते. सहा ट्रॅक्टर ट्रॉलीच्या माध्यमातून या मिरवणुकीत हालता देखावा करण्यात आला होता. हा हालता देखावा आयोजित केल्याने शहरवासीय मोठ्या संख्येने ही मिरवणुक पाहण्यासाठी आले होते. यावेळी शिव तांडव नृत्य सादर करण्यात आले. छत्रपती शिवाजी महाराज चौकातून निघालेली ही मिरवणुक शिवनगर पर्यंत काढण्यात आली. या मिरवणुकीत युवक, नागरिक मोठ्या संख्येने उपस्थित होते. ही मिरवणुक पाहण्यासाठी महिला, नागरिक मोठ्या संख्येने उपस्थित होते. यावेळी नितीन लोहार यांच्या वतीने महाप्रसादाचे आयोजन करण्यात आले होते.
ही मिरवणुक यशस्वी करण्यासाठी जयंती उत्सव समितीचे अध्यक्ष सागर पाटील, उपाध्यक्ष गणेश कमलापुरे, सचिव वीरभद्र फावडे, सहसचिव गणेश पालके, मिरवणुक प्रमुख अमोल बिराजदार, संतोष फावडे, विरेश स्वामी, नागेश जट्टे, हरी लोखंडे, ओम पाटील, मल्लिनाथ घोंगडे, बसवराज पाटील, विठ्ठल वचने, अमोल जट्टे, मल्लिनाथ जट्टे, ईश्वर बिराजदार, गिरीश जट्टे, माणिक चिकटे, कपिल माशाळकर, बालाजी माशाळकर, सचिन तोडकरी, महेश कुंभार, रामेश्वर वैरागकर, महेश पाटील, वैजिनाथ माणिकशेट्टी, किरण तोडकरी, परमेश्वर माशाळकर आदींसह युवकांनी परिश्रम घेतले.
