नारायणगड Narayangad) येथे होणाऱ्या दसरा मेळाव्याच्या (Dasara melava) पूर्वतयारी व जनजागृती करण्यासाठी मंगळवारी (दि.८) सकाळी ११ वाजता सकल मराठा (Maratha) समाजाच्या वतीने लोहारा (Lohara) शहरातील कन्या प्रशाला येथे बैठकीचे आयोजन करण्यात आले होते.
मनोज जरांगे पाटील (Manoj jarange patil) यांनी आयोजित केलेल्या गरजवंत मराठ्यांच्या दसरा मेळावा १२ आक्टोबर रोजी नारायणगड येथे होणार असून या मेळाव्यासाठी लोहारा उमरगा तालुक्यातील सकल मराठा समाजाने जास्तीत जास्त उपस्थिती लावावी यासाठी या बैठकीचे आयोजन करण्यात आले होते. यावेळी उपस्थित सकल मराठा समाजाच्या वतीने मराठ्याची आरक्षणाची लढाई अंतिम टप्प्यात आली असून आपल्या सर्वांनी एकजूट दाखवून मनोज दादांच्या पाठीमागे उभे राहण्यासाठी लोहारा तालुक्यातील सर्व गावातील मराठा समाजाने आपल्या गावात बैठक घेऊन नियोजन करावे व जास्तीत जास्त समाजबांधवांनी या मेळाव्यासाठी उपस्थित राहावे असे आवाहन यावेळी करण्यात आले.
