सालेगाव येथील सिद्धांतची उच्च शिक्षणासाठी इंग्लंडच्या विद्यापीठात निवड

लोहारा (Lohara) तालुक्यातील सालेगाव येथील सिद्धांत भालेराव हा उच्च शिक्षणासाठी इंग्लंडला (england) रवाना झाला. त्याची युनिव्हर्सिटी ऑफ रेडींग बर्फशायर या विद्यापीठात एमएससी डिजिटल बिजनेस अँड डेटा अनालिसिस या कोर्ससाठी निवड झाली आहे.
तालुक्यातील सालेगाव येथील सिद्धांतचे वडील प्रवीण भालेराव हे पुणे बेंगलोर राष्ट्रीय महामार्ग कोल्हापूर विभागाचे प्रमुख वाहतूक नियंत्रक असून आई वैशाली भालेराव या शिक्षिका आहेत. सिद्धांतचे शालेय शिक्षण मिलिटरी पब्लिक स्कूल जम्मू, मुंबई आणि कोल्हापूर या ठिकाणी झाले असून तो सावित्रीबाई फुले विद्यापीठाचा अभियांत्रिकीचा पदवीधर आहे. या कोर्ससाठी सिद्धांत यास प्राध्यापक. डॉ. के.डी. सोनवणे (शिवाजी युनिव्हर्सिटी कोल्हापूर) आणि प्राचार्य डॉ. हरीश भालेराव (संस्थापक अध्यक्ष ब्रिगेड डॉ. शिवाजी भालेराव सामाजिक संस्था सालेगाव) यांचे मार्गदर्शन लाभले आहे. या निवडीबद्दल सिद्धांतचे कौतुक होत आहे.