मुंबई (mumbai) येथील कला व सांस्कृतिक मंडळ आयोजित राज्यस्तरीय रंगोत्सव चित्रकला स्पर्धेत लोहारा (lohara) येथील न्यू व्हिजन इंग्लिश स्कूलच्या विद्यार्थ्यांनी सहभाग नोंदवून त्यामध्ये 25 सुवर्णपदक (gold medal), 12 रजतपदक आणि 07 कांस्यपदकांची कमाई केली आहे. त्याबद्दल लोहारा बीटचे शि.वि.अ. श्री मधुकर चंदनशिवे आणि स्कुलचे मुख्याध्यापक श्री शहाजी जाधव यांच्या हस्ते या स्पर्धेतील यशस्वी विद्यार्थ्यांना पदक, प्रमाणपत्र, व सन्मानचिन्ह देवून सन्मानित करण्यात आले. याप्रसंगी शहाजी जाधव म्हणाले की, शालेय जीवनात विद्यार्थ्याच्या कला गुणांना वाव मिळण्यासाठी शिक्षणाबरोबरच कला, क्रीडा व सांस्कृतिक अशा विविध क्षेत्रांशी संबधीत घेण्यात येत असलेल्या स्पर्धेचें आयोजन करून त्यामध्ये सहभागी होण्यासाठी वेळोवेळी त्यांचे शिक्षक मार्गदर्शन करत असतात. कोणत्याही स्पर्धेत यशस्वी होण्यासाठी विद्यार्थ्यानी प्रथम स्पर्धेमध्ये सहभागी होणे गरजेचे आहे. याप्रसंगी श्री मधुकर चंदनशिवे यांनी सर्व यशस्वी विध्यार्थी व त्यांचे मार्गदर्शक शिक्षक मिस सविता जाधव, मिस मीरा माने, मिस माधवी होगडे,श्री व्यंकटेश पोतदार, श्री यशवंत चंदनशिवे, श्री सिध्देश्वर सुरवसे, या सर्वांचेच अभिनंदन करून शुभेच्छा दिल्या.
