कोलकत्ता येथे आयोजित करण्यात आलेल्या लिटल हॅन्ड कॉन्स्टंट चॅम्पियनशिप (championship) स्पर्धेत लोहारा (lohara) तालुक्यातील धानुरी येथील विद्यामाता इंग्लिश स्कुलमधील ४५ विद्यार्थ्यांनी सहभाग घेतला होता. यापैकी ४२ विद्यार्थ्यांना सुवर्णपदक प्राप्त झाले आहे.
तालुक्यातील धानुरी येथील विद्यामाता इंग्लिश स्कुल (vidyamata english school) मधील एलकेजी आणि युकेजी क्लासमधील ४५ विद्यार्थ्यांनी या स्पर्धेत सहभाग नोंदवला होता. त्यामधील ४२ विद्यार्थ्यांनी सुवर्णपदक (gold medal) व प्रमाणपत्र प्राप्त केले. तसेच ३ विद्यार्थ्यांनी प्रमाणपत्र प्राप्त केले. या यशस्वी सर्व विद्यार्थ्यांची तयारी गीता चिकुंद्रे, सोनाली आलमले, अश्विनी वाघमारे, सबिया शेख या शिक्षकांनी करून घेतली. अत्यंत कमी वयापासून विद्यार्थ्यांची स्पर्धा परीक्षेची तयारी करून घेतली जाते. लहान मुलांनी या परीक्षेमध्ये घवघवीत यश संपादन केले. यशस्वी सर्व विद्यार्थ्यांचा सत्कार व मार्गदर्शक शिक्षिकांचा सत्कार शाळेच्या मुख्याध्यापिका हिरा सोलापूरे (हावळे ) यांच्या हस्ते करण्यात आला. शेतकरी विकास संस्थेचे अध्यक्ष अशोकराव जवळगे, सचिव किशोर साळुंके व ॲड. दिपक जवळगे यांनी यशस्वी सर्व विद्यार्थ्यांचे आणि मार्गदर्शक शिक्षकांचे व शाळेचे कौतुक केले व पुढील वाटचालीसाठी शुभेच्छा दिल्या.
