रिझर्व्ह बँक ऑफ इंडियाच्या वतीने अखिल भारतीय आर्थिक साक्षरता प्रश्न मंजुषा घेण्यात आली. या स्पर्धेत लोहारा तालुक्यातील जिल्हा परिषद प्राथमिक शाळा भातागळी येथील श्रेया प्रवीण जगताप आणि रिया मुकुंद चव्हाण या दोन विद्यार्थिनींनी तालुक्यात प्रथम तर जिल्ह्यात तृतीय क्रमांक मिळविला आहे.
त्यानिमित्त भातागळी जिल्हा परिषद प्राथमिक शाळेच्या वतीने मुख्याध्यापक एन. एस. गायकवाड, शालेय व्यवस्थापन समिती अध्यक्ष बळवंत जगताप, उपाध्यक्ष महादेव फत्तेपुरे, मार्गदर्शक शिक्षक बालाजी नाईक, व्हि. एम. कवाळे आदींसह शिक्षकांनी विद्यार्थ्यांचे कौतुक केले.
