पाणंद रस्त्याची हद्द निश्चित करून द्यावी या मागणीसाठी उपोषण सुरू

वार्तादूत – डिजिटल न्युज नेटवर्क
लोहारा तालुक्यातील उत्तर जेवळी ते भोसगा पाणंद रस्त्याची हद्द निश्चित करुन द्यावी या मागणीसाठी सरपंचासह शेतकऱ्याने मंगळवार (दि.१९) पासून लोहारा तहसिल कार्यालयासमोर बेमुदत उपोषण सुरू केले आहे.
लोहारा तालुक्यातील उत्तर जेवळी ते भोसगा पाणंद रस्ता हद्द निश्चित करुन देण्यात यावी ही मागणी दक्षिण जेवळीचे सरपंच चंद्रकांत साखरे व शेतकरी महादेव पाटील हे मागील अनेक वर्षापासून करीत आहेत. या मागणीकडे प्रशासनाचे दुर्लक्ष होत असल्याने जेवळीचे सरपंच चंद्रकांत साखरे, शेतकरी महादेव पाटील यांनी लोहारा तहसील कार्यालयासमोर मंगळवार (दि. १९) पासून बेमुदत उपोषण सुरू केले आहे. यावेळी प्रविण बोंदाडे, गोविंद जेवळीकर, दत्ता गाडेकर, संगाप्पा मुखे, साहेबलाल शेख, पंचाक्षरी चव्हाण, सातलिंग चोले आदी उपस्थित होते.