वार्तादूत – डिजिटल न्युज नेटवर्क
लोहारा तालुक्यातील तावशीगड येथील जागृत महादेव मंदीर येथे महाशिवरात्रीनिमित्त आयोजीत कार्यक्रमात आमदार ज्ञानराज चौगुले यांच्या स्थानिक विकास निधी अंतर्गत बांधण्यात आलेल्या सभामंडपाचा लोकार्पण सोहळा चिरकापाटी तावशीगड येथे संपन्न झाला.
यावेळी तावशीगड येथे नाबार्ड अंतर्गत पुल बांधणेसाठी २ कोटी ७५ लक्ष रूपये मंजुर केल्याबद्दल गावकऱ्यांनी आमदार ज्ञानराज चौगुले यांचा सत्कार केला. सत्काराला उत्तर देताना आमदार ज्ञानराज चौगुले यांनी नागरिकांच्या सोयीसाठी विविध विकास कामे करणे हे तर माझे कर्तव्य असुन मतदार संघाच्या सर्वांगीण विकासासाठी मी सदैव कटीबद्ध असल्याची ग्वाही यावेळी उपस्थितांना दिली. या कार्यक्रमासाठी गुरुवर्य श्यामचैतन्य महाराज, ह.भ.प.शंकर महाराज उदतपुरकर, युवानेते किरण गायकवाड, जिल्हाप्रमुख मोहन पनुरे, तालुकाप्रमुख जगन पाटील, माजी नगरसेवक अभिमान खराडे, दिपक रोडगे, ओम कोरे, सरपंच मधुमती राजपाल पाटील, कुलकर्णी, राम माडोळे, राम मिटकरी, शेषेराव बिराजदार, धीरज घोटाळे, हरिसिंग राजपुत, काशिनाथ मिटकरी आदीसह ग्रामस्थ मोठ्या संख्येने उपस्थित होते.
