लिंगायत महासंघ व लिंगायत समाजाच्या वतीने कुमारसागर स्वामी, बालाजी मेणकुदळे यांचा सत्कार

वार्तादूत – डिजिटल न्युज नेटवर्क
लोहारा शहरातील महात्मा बसवेश्वर मंदिरात बुधवारी (दि. २४ ) कुमारसागर स्वामी व बालाजी मेणकुदळे यांचा लिंगायत महासंघाच्या वतीने सत्कार करण्यात आला.
अखिल भारतीय शिवा संघटने तर्फे दिला जाणारा राष्ट्रीय गायकभूषण पुरस्कार लोहारा येथील गायक, कीर्तनकार कुमारसागर संभ्यया स्वामी यांना श्री क्षेत्र कपिलधार जिल्हा बीड येथे शिवा संघटनेच्या २६ व्या राज्यव्यापी वार्षिक मेळाव्यात शिवा संघटनेचे संस्थापक अध्यक्ष प्रा. मनोहर धोंडे व इतर मान्यवरांच्या हस्ते देण्यात आला. तसेच शाहू फुले आंबेडकर निवासी अनुसूचित आश्रम शाळा संघटनेच्या उस्मानाबाद जिल्हा अध्यक्ष पदी श्री संत मारुती महाराज निवासी अनुसूचित आश्रम शाळा भातागळीचे संस्थापक अध्यक्ष बालाजी मेणकुदळे यांची निवड झाल्याबद्दल लोहारा येथील लिंगायत महासंघ व समस्त लिंगायत समाजाच्या वतीने सत्कार करण्यात आला.लोहारा शहरातील महात्मा बसवेश्वर मंदिरात बुधवारी (दि. २४ ) सत्कार समारंभ आयोजित करण्यात आला होता. यावेळी नागन्ना वकील, चंद्रकांत पाटील, पंचय्या स्वामी, लिंगायत महासंघ जिल्हा उपाध्यक्ष वैजिनाथ जट्टे, तालुकाध्यक्ष शंकर जट्टे, उपाध्यक्ष दत्तात्रय बिराजदार, सचिव जालिंदर कोकणे, काशिनाथ स्वामी, तालुका कार्याध्यक्ष बसवराज बिडवे, प्रसिद्धी प्रमुख गणेश खबोले, विठ्ठल वचने-पाटील, के. डी. पाटील, दिपक मुळे, हरी लोखंडे, श्रीशैल्य मिटकरी, शिवमूर्ती मुळे, बसवराज तोडकरी, रमेश ठेले, मल्लिनाथ घोंगडे, संजय मिटकरी, विरभद्र फावडे, बंडाप्पा वैरागकर, बाळु पाटील आदी उपस्थित होते. या कार्यक्रमाचे प्रास्तविक, सूत्रसंचालन जालिंदर कोकणे यांनी तर वैजिनाथ जट्टे यांनी आभार मानले.