निम्न तेरणा प्रकल्प माकणी येथे आ. ज्ञानराज चौगुले यांच्या हस्ते जलपुजन

वार्तादूत – डिजिटल न्युज नेटवर्क
लोहारा तालुक्यातील माकणी येथील निम्न तेरणा प्रकल्प सद्यस्थितीला पूर्ण क्षमतेने भरलेला असून सोमवारी (दि.५) आमदार ज्ञानराज चौगुले यांच्या हस्ते जलपूजन करण्यात आले.
मागील काही दिवसांत होणाऱ्या जोरदार पावसामुळे धरणाच्या पाणीपातळीत वाढ होत असल्याने धरणाचे दरवाजे उघडले जात आहेत. सदर धरणाचे दरवाजे उघडून पाण्याचा विसर्ग करताना धरणाखालील माकणी, सास्तूर, रेबे चिंचोली, एकोंडी लो., कवठा या गावांच्या नदीकाठच्या शेतीचे नुकसान होणार नाही याबाबत दक्षता घेण्याच्या सुचना आमदार ज्ञानराज चौगुले यांनी उपस्थित अधिकाऱ्यांना दिल्या. तसेच रविवारी रात्रीच्या पाण्याच्या विसर्गामुळे नदीकाठच्या अनेक शेतीचे नुकसान झाल्याने त्याचा स्वतंत्र पंचनामा करणेबाबतही तहसीलदार लोहारा यांना सूचना केल्याचे आमदार चौगुले यांनी सांगितले.

यावेळी निम्न तेरणा प्रकल्पातील जलपूजन करण्यात आले. यावेळी ह.भ.प महेश महाराज कानेगावकर यांच्यासह लातूर पाटबंधारे विभागाचे कार्यकारी अभियंता रोहित जगताप, उपअभियंता नितीन पाटील, शिवसेना जिल्हाप्रमुख मोहन पनुरे, लोहारा तालुकाप्रमुख जगन पाटील, उमरगा तालुकाप्रमुख बळीराम (मामा) सुरवसे, ज्ञानेश्वर सूर्यवंशी, बालेपीर शेख, विनोद मुसांडे, चंद्रकांत मोरे, आप्पासाहेब पाटील आदी उपस्थित होते.