वार्तादूत – डिजिटल न्युज नेटवर्क
नवरात्र महोत्सवानिमित्त कै. डॉ. चंद्रकलादेवी पद्सिंह पाटील यांच्या स्मरणार्थ श्री जगदंबा मंदिर ट्रस्ट लोहारा यांच्या वतीने शहरात भव्य खुल्या टेनिस बॉल क्रिकेट स्पर्धेचे आयोजन करण्यात आले आहे. या स्पर्धेचे उद्घाटन भाजपा युवा मोर्चा जिल्हाध्यक्ष राजसिंह राजेनिंबाळकर यांच्या हस्ते शनिवारी (दि.१६) करण्यात आले.
या क्रिकेट स्पर्धेत एकूण ४० संघांनी सहभाग घेतला आहे. यावेळी पहिला सामना हिप्परगा (रवा) येथील एनसीसी क्रिकेट संघ व धानुरी येथील देवबेट क्रिकेट संघ यांच्यात झाला. यावेळी भाजपा युवा मोर्चा जिल्हाध्यक्ष राजसिंह राजेनिंबाळकर, जगदंबा मंदिर ट्रस्टचे अध्यक्ष तथा कृषी उत्पन्न बाजार समितीचे माजी सभापती दयानंद गिरी, भाजपा तालुकाध्यक्ष राजेंद्र पाटील, कृषी उत्पन्न बाजार समिती माजी सभापती दिनकर जावळे, माजी नगरसेवक आयुब शेख, काँग्रेस शहराध्यक्ष के.डी. पाटील, तंटामुक्ती समितीचे माजी अध्यक्ष हाजी अमिन सुंबेकर, स्वप्नील नाईकवाडी, सुरज शेरकर, भाजपा तालुका सरचिटणीस इकबाल मुल्ला, प्रविण जगताप, माणिक चिकटे, कमलाकर सिरसाठ, अनिल बोदमवाड, सचिन कोळी, सतिश गिरी, युवा मोर्चा जिल्हा चिटणीस बालाजी चव्हाण, लक्ष्मण माने, प्रणव गिरी, महेश घोटाळे, सागर गिरी, अस्लम शेख, जमिर शेख, वैभव रोडगे, स्वप्नील थोरात, अस्लम पठाण, चांद शेख, विठ्ठल गरड, अतुल राठोड, यांच्यासह ग्रामस्थ व युवक उपस्थित होते. या स्पर्धेतील प्रथम पारितोषिक रुपये ३१ हजार व चषक आमदार राणाजगजितसिंह पाटील यांच्याकडून, द्वितीय पारितोषिक रुपये २१ हजार व चषक जिल्हा परिषद सदस्या शितल राहुल पाटील व भाजपा तालुकाध्यक्ष राजेंद्र पाटील यांच्याकडून, तृतीय पारितोषिक रुपये ११ हजार व चषक हाजी अमीन सुंबेकर यांच्या कडून तर चतुर्थ पारितोषिक रुपये ७ हजार व चषक कृषी उत्पन्न बाजार समितीचे माजी सभापती दिनकर जावळे यांच्याकडून देण्यात येणार आहे. तसेच अनेक वैयक्तिक बक्षिसे देण्यात येणार आहेत. लोहारा येथील हिप्परगा रोडलगत असलेल्या डॉ. बाबासाहेब आंबेडकर वसतिगृहा समोरील मैदानावर या स्पर्धेचे आयोजन करण्यात आले आहे. या कार्यक्रमाचे सूत्रसंचालन सतिश गिरी यांनी तर दयानंद गिरी यांनी आभार मानले.
