वार्तादूत – डिजिटल न्युज नेटवर्क
लोहारा तालुका काँग्रेस पार्टीच्या वतीने लोहारा शहरातील सप्तरंग मंगल कार्यालयात रविवारी (दि. १२) कार्यकर्ता मेळाव्याचे आयोजन करण्यात आले आहे. आगामी काळात होणाऱ्या स्थानिक स्वराज्य संस्थांच्या निवडणुकीच्या अनुषंगाने या मेळाव्यास महत्व प्राप्त झाले आहे.
लोहारा तालुका काँग्रेस पार्टीच्या वतीने लोहारा शहरातील सप्तरंग मंगल कार्यालयात रविवारी (दि. १२) कार्यकर्ता मेळाव्याचे आयोजन करण्यात आले आहे. या मेळाव्यास माजी मंत्री मधुकरराव चव्हाण, माजी मंत्री तथा काँग्रेस कमिटीचे प्रदेश कार्याध्यक्ष बसवराज पाटील, जि. प. चे माजी उपाध्यक्ष अशोकराव जवळगे, उस्मानाबाद जिल्हा मध्यवर्ती बँकेचे माजी अध्यक्ष बापूराव पाटील, लोहारा पंचायत समितीच्या सभापती हेमलता रणखांब, काँग्रेस कमिटीचे जिल्हाध्यक्ष धीरज पाटील, युवक काँग्रेसचे जिल्हाध्यक्ष शरण पाटील, प्रदेश सचिव दिलीप भालेराव, जिल्हा कार्याध्यक्ष प्रकाश आष्टे, जिल्हा उपाध्यक्ष दिपक जवळगे यांची प्रमुख उपस्थिती राहणार आहे.
लोहारा तालुक्यातील काँग्रेस पार्टीचे स्थानिक स्वराज्य संस्थांचे पदाधिकारी, काँग्रेस, युवक काँग्रेस, विद्यार्थी काँग्रेस, काँग्रेस सेवादल यांचे पदाधिकारी, कार्यकर्ते व काँग्रेस प्रेमी नागरिकांनी या मेळाव्यास उपस्थित राहावे असे आवाहन तालुकाध्यक्ष अमोल पाटील यांनी केले आहे. कोरोना बाबत शासनाने घालून दिलेल्या सर्व नियमांचे काटेकोर पालन करूनच कार्यक्रम घेण्यात येईल. त्यामुळे सर्वांनी मास्क लावून या कार्यक्रमास उपस्थित राहावे असे आवाहन आयोजकांच्या वतीने करण्यात आले आहे. आगामी काळात लोहारा नगरपंचायतसह स्थानिक स्वराज्य संस्थांच्या निवडणुका होणार आहेत. त्या अनुषंगाने या मेळाव्यास महत्व प्राप्त झाले आहे.
